Ferietur 2005


Ferieturen 2005 starta den 16.juli.  I år hadde vi bestemt oss for å vere på heimlege trakter, dvs. i Møre og Romsdal.  Dersom veret tillot det kunne det hende at vi gjekk så langt som til Kristiansund.  Desverre så var ikkje Hustadvika i slikt lune at vi ville gå der.  Det var for mykje nordavind og det hadde vorte timar med hard dasking i motsjø.  Det vart difor ikkje lenger enn til Bjørnsund i år.  Vi hadde 14 kjempefine dagar med sol, regn og kald vind, men det gjorde ikkje noko. Vi kosa oss likevel i vår "vesle" kjempefine Saga 27.  Under er ei bildekavalkade frå dei stadane vi besøkte.  God tur.
Ferieturen starta laurdag den 16. juli og fyrste stopp var Ulsteinvik.  Hamna der ligg sentrumsnært og der er gode sanitærforhold. Prisen er i høgste skora. Dagen etter gjekk vi til Ålesund. hervar det båtfestival. Vi er her på veg gjennom brosundet som ligg midt i Ålesund sentrum Finnøya har ei flott båthamn. Vår "vesle" Saga 27 forsvinn heilt mellom dei store båtane. Men likevel så er det den aller flottaste av dei.
Finnøy motorfabrikk har laga motorar gjennom snart 100 år. Ved båthamna er det byggt opp eit lite museum der det er plassert ein 100 hk. motor. Den går med jamne mellomrom til glede for turistane. Sandøya ligg noke minutters gange nordaust for Finnøya. Dette er eit lite levande samfunn med fabrikkar, butikk og ei flott gamal kyrkje med ei heilt spesiell altertavle. Bjørnsund
Omkring år 1900 budde det omlag 5-600 menneskje her på dei tre hovudøyane. Bjørnsund ligg midt i innlaupet til Romsdalsfjorden, ut mot Hustadvika og storhavet. Mange ev dei rike tradisjonane som rådde, kan ein òg spore i dag med bryggjer, naust og sjøboder. 
Vi fann oss ein fin plass på nordre Bjørnsund. Der er ikkje straum eller vatn,men likevel ein flott hamneplass, og veldig billig hamneleige. På steinsokkelen under bjørnen står det:  "Herren gav, Herren tok, Herrens navn vere lovet." På Nordre Bjørnsund er det sjølvsagt butikk med alle rettar.  Den heiter nono så prosaisk som "Bua"  Her er det trangt, men du finn det meste av det du treng.
Det heilt særmerkte "småby"-miljøet med hus som står vegg i vegg, smale "gater" som følgjer terrenget, og med pratestader på bryggje og utkiksplassar - er her enno. Ta turen frå Nordre Bjørnsund på fine stiar over sjøvern og broer til fyret på Moøya. Her kan ein sjå på jettegrytene som ligg på forskjellige høgdenivå på klippene. Sjå på alle måkane som hekkar her ute, men ver forsiktig, ikkje forstyrr dei. Det hender fuglane stupdykkar for å verne egg og ungar. Fuglane er freda i hekketida. Fræna kommune driv leirskule på Bjørnsund. (Kjelde: Fræna kommune).
I det vi går til sengs for kvelden, kjem sola fram og gyller N. Bjørnsund. Rørleggingsfarty som legg rør til Kjellbergodden Badetemperaturen var ikkje det heilt store, men 17 grader får halde. Det var kjempegodt.
Frå Bjørnsund gjekk vi sydover langs Gossen til Midsundet. Det var eit tungt ver denne dagen, med temperatur ned mot 10 grader. Vel ein mils veg nord for Midsundet har Knut Skarbø og kona eit flott sommarsted. Knut henta oss til ein fin ettermiddag saman med dei. Frå Midsundet tok vi turen utover til Røssåkvika på Harøya. I flg. KNBF si bok så skulle dette vere ein flott plass.  Desverre så er vi ikkje samde i det. Ingenting stemte og vi reiste vidare til Fjørtofta
Vel framme på Fjørtofta måtte vi vaske noko klær. Desverre så var det så fuktig i været at det tørka ikkje... Vi måtte ein liten tur oppom Sandøya. Der er det mellom anna ei gamal flott kyrkje med ei spesiell altertavle, Ved Søvika litt nord for Ålesund er det ei nydeleg gjestehamn som ligg på Terøya.  Denne staden kan anbefalast på det varmaste.
Etter noko fuktig ver dagen i førevegen er det godt med litt lufting av sengklær. Ein brislingstim kom på besøk i hamna og seien kom etter så det vart eit veldig liv ei stund.